Sadiku kryen me sukses operacionin: Diçka e papritur më ndodhi, por Zoti…

09:53 | 8 Gusht 2018
Arbresh.info

Armando Sadiku ka kryer ndërhyrjen kirurgjikale në gju, pas dëmtimit që pësoi në miqësoren e fundit me Levanten, në përgatitoren e verës.

Ky dëmtim do ta lërë rreth 6 muaj “në bokse” sulmuesin tonë të kombëtares, sepse aq është koha e riaftësimit, sipas mjekëve.

Përmes faqes së vet në Facebook, Sadiku nuk e lejon veten të bjerë në pesimizëm dhe premton se do të rikthehet sërish i fortë:

“Diçka e papritur më ndodhi. Por, falë ndihmës së Zotit, çdo gjë shkoi mirë dhe sot u ktheva në shtëpi, pas operacionit. E di që nuk do të jetë e lehtë të qëndroj për një kohë të gjatë jashtë fushës, por kush më njeh, e di mirë se nuk është hera e parë për mua një dëmtim i tillë.

Fjalët nuk më pëlqejnë shumë, por do të punoj fort, që të kthehem përsëri në fushën e gjelbërt. Faleminderit te gjithëve për “sms” inkurajuese që më keni dërguar! Ju përshëndes, Armando!”. /telesport.al/

Shpërndaje në rrjete sociale

Lajmet më të lexuara

Të ngjashme

Foto lajm